Caminda di Cruz

Caminda di Cruz

Haci tur Diabierna durante Cuaresma

 

 

 

 

V: Señal di Cruz
R: Amen

V: San Pedro ta bisa: “Cristo Hesus a sufri pa nos motibo y a laga un ehempel pa nos por sigi su pasonan. Riba palo di cruz El’a carga nos picanan den Su mesun curpa, pa di tal manera tur maldad muri den nos y nos scohe pa un bida di husticia.” (1 Pedro 2:21, 24)
Rumannan: uni den Cristo Hesus nos ta sigi den Su pasonan, den Su sufrimento y morto, pa yega finalmente na Su resureccion felis y sinta cu n’E den gloria di Dios Tata.
R: Amen

STABAT MATER
Bou di Cruz di HesuCristo
ta para Su Mama tristo
Mientras Yiu ta cologa.

 

station01Prome stashi: Pilato ta condena Hesus na morto

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Pashon y morto di Cristo ta manifesta stimacion cu Dios Tata tin pa nos. El’a entrega Su mes Yiu pa nos. Huan Apostel ta bisa: “Asina tanto Dios a stima mundo cu El’a duna nos Su Yiu Unigenito, pa kende cu kere den djE lo no bay perdi ma lo tin un bida eterno. Dios no a manda Su Yiu na mundo pa condena mundo, ma pa mundo haña salbacion pa medio di djE. (Huan 3:16-17)

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

 V: Oh Señor, Bo no a duda pa sacrifica Bo Yiu, pa nos haña bida. Haci pa e amor cu nos mester tin pa cu otro sea sin limite, manera esun di bo pa cu nos. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Na Bo Señor, mi alsa mi alma. Bo ta mi Dios y mi Salbador.
R: Si, lo mi lanta, lo mi bolbe bay serca Mi Tata.

STABAT MATER
Ay un spada ta hinke’le
cu tristesa y cu duele
den Su curazon ansha.

 

station02Di dos stashi: Hesus ta tuma Cruz ariba Su schouder

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Pa medio di Cristo Hesus Dios Tata a stima nos promé. Huan Apostel ta bisa: “Den esaki Dios Su amor a manifestá su mes denter di nos, ku Dios a manda Su Yu unigenito den mundu pa nos lo biba pa medio di dj’E. Den esaki amor ta constisti: no ta nós a stima Dios, ma ta El’a stima nos, y a manda Su Yiu como sacrificio di reconsiliacion pa nos picánan. Keridonan, si Dios a stima nos asina tanto, nos tambe mester stima otro.” (Huan 4:9-11)

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Oh Dios, Bo a stima nos promé cu nos por a conoceBo. Laga pa Bo amor sea e forsa cu ta guia tur nos sintimentonan. Pa Cristo nos Señor.

R: Amen
R: Nos Tata

V: O Dios tene misericordia
R: Cu nos pober pecador

V: Mira mi ansha, mira mi pena, ‘nami e gracia di Bo pordon.
R: Si, lo mi lanta, lo mi bolbe bay serca Mi Tata.

STABAT MATER
Ay con tristo ta mirada
Dies muhé bendicionada
riba’s Yiu Su Unico.

 

station03Di tres stashi: Hesus ta cai bou di Su Cruz pa di prome bes

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Dios a mustra Su amor pa nos pa medio di esaki: Cu Cristo a muri pa nos tempo nos tabata pecador ainda. San Pablo Apostel ta bisa: “Lo no haña asina facil un hende cu ta duna su bida pa un hende husto, maske cu kisas den cierto caso un hende su curazon por dun’é pa hasi asina. Ma Dios ta mustra Su amor pa nos, hustamente pa medio di esaki: Cu Cristu a muri pa nos por haña salbacion.” ( Rom. 5:7-8 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Oh Dios, cu a cuminsa Bo obra di salbacion ora cu nos tabata pecador, hib’é na felis término segun Bo miserikordia, Pa medio di Cristu nos Señor.

R: Amen
R: Nos Tata

V: O Dios tene misericordia
R: Cu nos pober pecador

V: Mi curazon ta busca Bo cara; tende mi voz, Señor piedad.
R: Si, lo mi lanta, lo mi bolbe bay serca Mi Tata.

STABAT MATER
Weit’e Mama piadosa
Conta, yora dolorosa
tur dolor di e Unico.

 

station04Di cuater stashi: Hesus ta contra cu Su Mam

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Na nòmber di nos tur Maria a ofrese Su mes, partisipando den sufrimento di Su Yiu. Den Evangelio di San Lucas nos ta lesa: “Mira, e Yiu aki ta destiná pa caida of lantamento di hopi hende den Israel, como un señal di contradiccion, pa sintimento di hopi curason lo ta revelá; y bo mes alma tambe lo keda traspasá pa un lansa.” ( Lucas 2: 34-35 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Oh Señor, Bo no a duda pa sacrifica Bo Yiu, pa nos haña bida. Haci pa e amor cu nos mester tin pa cu otro sea sin limite, manera esun di bo pa cu nos. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Na Bo Señor, mi alsa mi alma. Bo ta mi Dios y mi Salbador.
R: Si, lo mi lanta, lo mi bolbe bay serca Mi Tata.

STABAT MATER
Ken ta hende sin ta yora
Kontemplando den tal ora
Tierna Mama su fliccion

 

station05Di cinco stashi: Simon di Cirene ta yuda Hesus carga Su Cruz

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Cristo Hesus a siña nos: “Stima otro manera M’a stima boso”. San Pablo Apostel ta bisa: “Rumannan, ora un hende hasi un paso robes, abo cu ta un persona spiritual, mester yuda esun cu a cai, lanta atrobe. Paga tino na bo mes, pasobra bo tambe por cai den tentacion. P’esey yuda otro carga peso di nan krus, y asina bo ta cumpli cu ley di Cristo.” (Gal. 6: 1-2 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Concedé nos Señor e grasia di por sirbi nos rumannan den nan nesesidad, manera Bo mes a sirbi nos, muriendo riba Cruz. Pa medio di Cristo nos Señor ..
R: Amen
R: Nos Tata

V: O Dios tene misericordia
R: Cu nos pober pecador

V: No pone fin na Bo ternura, laga Bo amor ta mi proteccion.
R: Si, lo mi lanta, lo mi bolbe bay serca Mi Tata.

STABAT MATER
Ken por laga di mustr’Ele
Compasion mirando El’e
Yora Cristo Su pasion.

 

station06Di seis stashi: Veronica ta seca cara di Hesus

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Pa medio di boutismo nos a keda uní cu Cristo den Su morto y resureccion y a bira ún cu n’E. Cristo a bisa: “Si un hende sinti berguensa di mi palabra, Yiu di hende lo sinti berguensa p’e dia E bolbe bini den su gloria.” ( Lucas 9:26 )

“Bini, yunan bendicioná di mi Tata y tuma posecion di e Reino cu ta prepará pa boso for di cuminsamento di mundo. Pasobra tur loke boso hasi pa Mi ruman di mas humilde, boso ta hasi pa mi.” ( Mateo 25:34,40 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Nos ta pidiBo, Señor, pa nos reconocé imahen di Bo Yiu den cada un di nos rumannan, principalmente den esnan mas pober y bandoná. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Sana mi alma, mi curazon, como mi a peca, Dios, contra Bo.
R: Si, lo mi lanta, lo mi bolbe bay serca Mi Tata.

STABAT MATER
E ta mir’ Hesus paciente
Mal sutá y sufriente
Pa Su pueblo obstiná

 

station07Di shete stashi: Hesus ta bolbe cai bou di Su Cruz

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Cu Su sufrimento i humiyashon Cristo a manifestá Su amor pa nos tur y a alsa nos naturalesa. San Pablo Apostel ta bisa: “E mesun sintimento cu tabata reina den Cristu Hesus mester reina den boso. Esun cu a existí den mahestad dibino no kier a gara Su mes na igualdad di Dios. El a cambia Su existencia dibino pa tuma puesto di esclavo. El a bira igual na hende y como hende El’a aparesé, humiyá Su mes, bira obedesido te na morto riba cruz.” ( Filipp. 2:5-8 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Dios, nos Tata, no laga nos perde animo ora nos picánan ta deprimí nos. Yuda nos cuminsá un bida nobo, sigiendo den e pasonan di Cristo. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Tene piedad, oh Dios di ternura, laba mi culpa, oh Salbador.
R: Si, lo mi lanta, lo mi bolbe bay serca Mi Tata.

STABAT MATER
E ta mir’e Yiu stimado
Entregando desolado
Su Spirito bandona

 

station08Di ocho stashi: Hesus ta contra cu muhernan cu ta yora

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Hesus ta pidi nos pa sufrimento di Su pasion por haña un lugá den acontesimentonan di nos bida presente. San Lucas ta bisa: “Un cantidad grandi di hende tabata sigi Su tras; hende muhé tabata bati nan pecho y tabata yor’E. Hesus a bira Su kara pa nan y di: Yiu-muhénan di Herusalem, no yoraMi, ma yora boso mes y boso yunan.” ( Lucas 23:28 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Oh Dios, Tata di nos tur, yuda nos stima otro cu amor sincero, pa nos por cumpli cu Bo deseo. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Bo conoce, Señor mi picanan, Bo sa con bobo mi tabata.
R: Si, lo mi lanta, lo mi bolbe bay serca Mi Tata.

STABAT MATER
Mama di amor dibino
Hasi pa mi pone tino
Ki pisá ta Bo dolor.

 

station09Di nuebe stashi: Hesus ta cai bou di Su Cruz pa di tres bes

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Vigilá i resa pa boso no cai den tentacion. Curason ta di bon boluntad si, ma carni ta debil. San Pablo Apostel ta bisa nos: “P’esey, esun cu ta kere cu e ta bon pará, mester tene cuidou pa e no cai. Boso no ta exponé na ningun tentacion cu ta surpasá midí humano. Dios ta fiel. L’E no permití pa hasi prueba di forsa cu boso.” ( Kor. 9:12-13 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Señor, den nos condicion di hende limitá i pecador, nos tin mester di Bo Spirito di fortalesa pa vence nos debilidadnan humano y nos picánan. Tende nos pidimento.
R: Amen
R: Nos Tata

V: O Dios tene misericordia
R: Cu nos pober pecador

V: Manera ta na warda ta spera di dia, mi curazon ta spera Señor.
R: Si, lo mi lanta, lo mi bolbe bay serca Mi Tata.

STABAT MATER
Hasi alma tur ardiente
Complace constantemente
Na Hesus den fiel amor.

 

station10Di dies stashi: Nan ta kita Hesus Su paña

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Tur hende cu ta batisá den Cristo, ta hende nobo, pasobra nan a bisti nan mes cu Cristu. San Pablo Apostel ta bisa: “Mi no tin nodi di recordá boso e obra di caridad di nos Señor Hesu Cristu; con El’ a bira pober, mientras E tabata rico. Y boso por a bira rico pa medio di Su pobresa.” ( 2 Kor. 8:9 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

 V: Oh Señor, hasi pa nos bisti e paña di hende nobo, ke men, como escohídonan santo y stimá, cu compasion tierno, bondad, humildad, suavidad y pasenshi, soportando otro y pordonando otro, manera Bo mes a pordona nos. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Bolbe, Señor, bini serca nos, nos ta Bo yiunan, tene piedad.
R: Si, lo mi lanta, lo mi bolbe bay serca Mi Tata.

STABAT MATER
Mama santa y kerida
Primi Hesus Su herida
Hundo den mi curazon.

 

station11Di diesun stasthi: Nan ta claba Hesus na Cruz

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Cristo cu Su sufrimento a hiba nos serca Dios Tata y a duna nos bida nobo. Den Evangelio di San Lucas nos ta lesa: “Ora nan a yega na un lugá yamá Karpachi, nan a klab’E riba cruz, meskos cu e malechornan, un na man drechi, e otro na man robes. Y Hesus di: “Tata, pordona nan, pasobra nan no sa kiko nan ta hasi”. Nan a parti Su paña cu otro, tirando dou.” ( Lucas 23:33-34 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Señor, nos ta suplikaBo, duna nos e grasia di por pordoná nos rumannan, manera Bo mes a pordoná nos. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Habri mi boca pa mi por canta, laga mi goza di libertad.
R: Si, lo mi lanta, lo mi bolbe bay serca Mi Tata.

STABAT MATER
Hasi pa mi tin partida
Den Su pena, den herida
Pa mi mustra compasion

 

Di diesdos stashi: Hesus ta muri na Cruzstation12

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Hesus a duna Su bida manera ofrenda, pa nos por keda liber di piká. San Lucas ta bisa: “Tabata awor banda di e ora di seis; scuridad a tapa henter e region te cu e ora di nuebe, como solo no tabata duna klaridad mas. Cortina di tempel a parti meimei na dos. Anto Hesus a sclama na voz halto: Tata, den Bo man Mi ta entregá Mi Spiritu.” ( Lucas 23:44-46a )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Tata, Dios todopoderoso, yuda nos comprende cu, manera morto di Bo Yiu tabata un entrega na Bo, pa nos haña salbacion, asina nos tambe por sigi Su ehempel. Pa medio di Cristu nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Feliz ta esun cu haña pordon di tur su falta y su errornan.
R: Si, lo mi lanta, lo mi bolbe bay serca Mi Tata.

STABAT MATER
Piadoso cu Bo yora
Mi ta desea tur ora
Sufrimento di Hesus

 

station13Di diestres stashi: Nan ta kita curpa di Hesus fo’i Cruz

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: Den Cristo su morto Dios a sera un aliansa nobo cu nos, y den dj’E nos a haña e caminda di salbacion. Hesus ta bisa nos: “Esun cu ta stima su bida ta perdé; ma esun cu ta odia su bida den mundo aki lo tin’é pa bida eterna. Si un hende ke sirbiMi, anto e mester sigiMi; caminda Mi ta, ey mi sirbidó tambe lo ta. Si un hende ta sirbiMi, Tata lo honré.” ( Huan 12:24-26 )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Oh Dios, nos Tata, cu su morto Cristu bo Yiu a vence morto i picá, duna nos e grasia di por yega na fuente di awanan di bida y salbacion. Pa medio di Cristo nos Señor.
R: Amen
R: Nos Tata

V: O Dios tene misericordia
R: Cu nos pober pecador

V: Laga mi hendenan mes bandonaMi, serca mi Dios mi ta na cas.
R: Si, lo mi lanta, lo mi bolbe bay serca Mi Tata.

STABAT MATER
Semper den Bo compania
Den Bo duele, O Maria
Cu bo para bou di cruz

 

station14Di diescuater stashi: Nan ta dera curpa di Hesus

V: Nos ta adora Bo Cristo y nos ta bendiciona Bo,
Tur (na rudia): Pasobra Bo a salba mundo pa Bo Santa Cruz.

V: “Pasobra akinan nos no tin un stad permanente, Hesus a siña nos busca esun benidero. Pa Cristo Su resureccion nos a haña un rayo di speransa, cu nos tambe lo resucitá cu n’E. Y maske ley di morto ta hasi nos bira tristo, e promesa di inmortalidad ta yena nos cu consuelo. Pasobra pa esnan cu ta kere den Cristo, bida no ta kaba, sino ta transformá.” ( Misa di difunto )

V: Cristo a entrega Su mes pa nos
R: Pa asina nos tambe entrega nos bida na sirbishi di nos rumannan.

V: Oh Señor, nos ta spera cu aya den Bo Reino, nos tur huntu por gosa di plenitud di Bo gloria, dia cu lo Bo seca tur lagrima for di nos cara. E ora ey nos lo miraBo, nos Dios, manera Bo ta, pa canta Bo gloria den tur eternidad.
R: Amen
R: Nos Tata

V: O Dios tene misericordia
R: Cu nos pober pecador

V: Bo mi alegria, Bo, mi refugio, Hustonan tur ta canta pa Bo.
R: Si, lo mi lanta, lo mi bolbe bay serca Mi Tata.

STABAT MATER
Birgen Santa no nengami
pa compaño acceptami
Den tristeza di Señor

 

Oracion Final
V: Cu curason contento laga nos duna grasia na Dios nos Tata, cu a laga nos partisipa den Cristo Su morto, pa asina nos lo partisipa den Su resureccion tambe.

San Pedro ta bisa: “Bendishoná ta Dios, Tata di nos Señor Hesu Cristo. Den Su gran misericordia El’ a laga nos renacé den un bida yen di speransa. El’a hasi esaki pa medio di resureccion di Cristo. Asina aki lo tin un herencia cu lo no terminá nunca y cu ta keda reservá pa nos den shelo. Pasobra Dios a tuma nos bao di Su proteccion poderoso. E ke guia nos riba caminda di fe pa nos haña e salbacion cu E tin reservá pa nos y cu l’E revelá na fin di tempo.” ( 1 Pedro 1:3-5 )

 

Dios di paz, kende a pone e gran Wardador di carnénan, nos Señor Hesu Cristo, resucitá for di morto pa medio di Su sanger di un aliansa eterno, hasi nos dispuesto na cumpli cu Bo boluntad. Hasi pa E efectuá den cada un di nos loke ta gustoso na Bo bista, pa medio di Cristo nos Señor.

R: Amen.

V: Dios mi ke canta Bo honor y gradiciBo semper, Amen.
R: Si, lo mi lanta, lo mi bolbe bay serca Mi Tata.

R: Señal di Cruz

R: Amen